സീമന്തരേഖയില് ഞാനിട്ട സിന്ദൂരം
എങ്ങിനെ മാഞ്ഞുപോയ് സീമന്തിനി
മഞ്ഞചരടില് തിളങ്ങിനിന്നാമണി
താലിയിന്നെങ്ങുപോയ് സീമന്തിനി
താലിയിന്നെങ്ങുപോയ് സീമന്തിനി
തങ്കവളയിട്ട താമര കൈകളില്
തന്നു നിനക്കു ഞാന് മന്ത്രകോടി
തിങ്ങും വികാരം ഒതുക്കി കിനാവുകള്
എത്രയോ നെയ്തു നീ സീമന്തിനി
എത്രയോ നെയ്തു നീ സീമന്തിനി
സ്വപ്നവിമാനത്തിലേറി പറന്നനിന്
തപ്ത വികാരങ്ങളെങ്ങുപോയി
പേണ്മഴയായ് പണ്ടു പെയ്തിറങ്ങി നെഞ്ചില്
പൂമണം ചാലിച്ച് സീമന്തിനി
പൂമണം ചാലിച്ച് സീമന്തിനി
ചാലെ മരന്ദങ്ങള് മൂളുന്ന വാടിയില്
ചാരത്തിരുന്നൊരു സീമന്തിനി
ചേനിലാ കൂന്തലില് ചൂടാത്ത പൂക്കളും
വാടിക്കരിഞ്ഞുപോയ് സീമന്തിനി
വാടിക്കരിഞ്ഞുപോയ് സീമന്തിനി
ആഴക്കടലിന്റെ തീരത്തൊരുത്തിരി
മണ് തരി കൂമ്പാരം തീര്ത്തു നമ്മള്
സങ്കല്പ്പ ഗോപുരം തച്ചുടയ്ക്കാനൊരു
വണ് തിര വന്നു പോയ് സീമന്തിനി
വണ് തിര വന്നു പോയ് സീമന്തിനി
എത്ര കൊടുങ്കാറ്റായ് വീശിയെന് ജീവിത
പാമരം തുള്ളിച്ച കൂട്ടുകാരി
എത്രമധുര പ്രതീക്ഷതന് പായ് കപ്പല്
ആഴിയില് തള്ളിച്ച സീമന്തിനി
ആഴിയില് തള്ളിച്ച സീമന്തിനി
നിന്റെ സ്വപ്നങ്ങളില് ഞാനെന്ന പാഴ്നിറം
ചേര്ക്കാന് മടിച്ചൊരു കൂട്ടുകാരി
ചേര്ത്തിരുന്നെനെ നിന് മാറോടു ചേര്ത്തു നീ
ഏതോ കിനാവുകള് കണ്ടിരുന്നു
വേറെ ഏതോ കിനാവുകള് കണ്ടിരുന്നു
അഗ്നിയ്ക്ക് ചുറ്റും വലം വെച്ചു നീ കരം
കോര്ത്തു പ്രദക്ഷിണം വെച്ച നാളില്
നഗ്നമാം നിന്മിഴി കോണുകള് ചുറ്റിലും
എന്തു തിരഞ്ഞെന്റെ കൂട്ടുകാരി
എന്തു തിരഞ്ഞെന്റെ കൂട്ടുകാരി
എന്നും മണിയറയ്ക്കുള്ളില് നിന് ശൃംഗാര-
നിസ്വനം കേള്ക്കാന് കൊതിച്ചിരുന്നു
എങ്ങുപോയെന്നോര്ത്തു സ്വാര്ത്ഥമാം ചിന്തകള്
കാടേറിയെങ്ങോ തപസ്സിരുന്നു
കാടേറിയെങ്ങോ തപസ്സിരുന്നു
കാറ്റും മഴയും നിലാതിങ്കളും മാഞ്ഞ
രാവില് നനഞ്ഞൊരു സീമന്തിനി
പൂവും വിയര്പ്പാലെ മാഞ്ഞതോ ഞാനിട്ട
സിന്ദൂര രേഖയെന് സീമന്തിനി
സിന്ദൂര രേഖയെന് സീമന്തിനി
നിന്റെ നിശ്വസ കൊടുചൂടിലെപ്പോഴോ
നിന്നെയറിഞ്ഞു ഞാന് കൂട്ടുകാരി
എന്റെ സങ്കല്പ്പത്തിലിത്ര കെടാത്ത-
തെന് എന്റെ നിറയ്ക്കുന്നു കൂട്ടുകാരി
എന്റെ നിറയ്ക്കുന്നു കൂട്ടുകാരി
രാത്രിയാമങ്ങള് തിരക്കിയെത്തും
നിലാ തിങ്കള് കരിമ്പടം ചൂടി നില്ക്കെ
കാല് പെരുമാറ്റം അകന്ന മുറ്റങ്ങളില്
കണ്ടില്ല നിന്നെയെന് സീമന്തിനി
കണ്ടില്ല നിന്നെയെന് സീമന്തിനി
കവിത: സിന്ദൂര രേഖ
രചന: ഹരി വെട്ടൂര്
ആലാപനം: ഹരി വെട്ടൂര്
ഗായകനായ കവിയ്ക്ക് അഭിനന്ദനങ്ങൾ
ReplyDeleteഒപ്പം കൊച്ചുമുതളാളിക്കും.
നല്ല പാട്ട്
ReplyDeleteമനോഹരം.. വേദനാജനകമായ വരികള്..!
ReplyDeleteഏവര്ക്കും കവിത ഇഷ്ടമായെന്നറിഞ്ഞതില് സന്തോഷം..!
ReplyDeleteശുഭസായാഹ്നം!
നല്ല കവിത..!
ReplyDeleteനിയ്ക്കും ഇഷ്ടായി...ഓരോ വരികളും എത്ര മനോഹരം...!
ReplyDeleteസുപ്രഭാതം ട്ടൊ...!
കവിത നന്നായിട്ടുണ്ട്....
ReplyDelete