എപ്പോഴും കവിത

എന്റെ മനസ്സിൻ വയലോരങ്ങളിൽ എപ്പോഴും കവിത
ഒരുമഴയെങ്ങാൻ വന്നാൽ കവിത നിന്നാൽ കവിത
വന്നീലെങ്കിലും അപ്പോഴും കവിത

എന്റെ മനസ്സിൻ ശ്യാമാരണ്യം ഉറങ്ങും നേരത്തും
വെള്ളിവെളിച്ച ചീളുകളേന്തി വിളിയ്ക്കുന്നു കവിത

എന്റെ മനസ്സിൻ തെളിവാനങ്ങളിൽ എപ്പോഴും കവിത
ഒരു കാറ്റെങ്ങാൻ തൊട്ടാൽ കവിത വിട്ടാൽ കവിത
തൊട്ടീലെങ്കിലും അപ്പോഴും കവിത..

 
എന്റെ മനസ്സിൻ (Click here to download)
കവിത:എപ്പോഴും കവിത
രചന: പി. മധുസൂദനൻ
ആലാപനം: വി.കെ. ശശിധരൻ