ആസുരതാളം തിമര്ക്കുന്നു ഹൃദയത്തില്
ആരോ നിശബ്ദമൊരു നോവായി നിറയുന്നു
നെഞ്ചിലാഴ്ന്നമരുന്നു മുനയുള്ള മൌനങ്ങള്
ആര്ദ്രമൊരു വാക്കിന്റെ വേര്പാട് നുരയുന്നു
പ്രിയതരം വാക്കിന്റെ വേനല് മഴത്തുള്ളി
ഒടുവിലെത്തുന്നതും നോക്കി പാഴ്സ്മൃതികളില്
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കണ്പാര്ത്തിരിക്കുന്നു
ഞാനുറങ്ങുമ്പൊഴും കാത്തിരിപ്പൊറ്റക്കു
താഴെയൊരൊറ്റയടിപ്പാതയറ്റത്തു വീഴും
നിഴല്പ്പരപ്പിന്നു കണ്പാര്ക്കുന്നു
എന്റെ മയക്കത്തില് എന്റെ സ്വപ്നങ്ങളില്
കാത്തിരിപ്പെന്തൊ തിരഞ്ഞോടിയെത്തുന്നു
ആരെയോ ദൂരത്തു കണ്ടപോലാനന്ദ മോദമോടെന്നെ
വിളിച്ചുണര്ത്തീടുന്നു
മാപ്പിരക്കും മിഴി വീണ്ടുമോടിക്കുന്നു
ഭൂതകാലത്തിന്നുമപ്പുറം വീണ്ടുമൊരു
വാക്കിന്റെ വേനല് മഴത്തുള്ളി
വീഴ്വതും നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കണ്പാര്ത്തിരിക്കുന്നു
മച്ചിലെ വാവല് കലമ്പലില്
ഘടികാരമൊച്ചയുണ്ടാക്കും നിമിഷ പുഷ്പങ്ങളില്
തെന്നല് തലോടി തുറന്ന പടിവാതിലില് തെക്ക്
നിന്നെത്തുന്ന തീവണ്ടി മൂളലില്
ഞെട്ടിയുണര്ന്നെത്തി നോക്കുന്നു പിന്നെയും
ഒച്ച് പോലുള്വലിഞ്ഞീടുവാനെന്കിലും
വേദന ..വേദന വാരിപ്പുതച്ചു വീണ്ടും
എന്റെ കാത്തിരിപ്പൊറ്റക്കു കണ്പാര്ത്തിരിക്കുന്നു
ഒരു പകല് പടിവാതിലോടിയിറങ്ങുമ്പോളിരവു
കറുത്ത ചിരി തൂകിയണയുമ്പോള്
ഇരുവര്ക്കുമിടയിലൊരു സന്ധ്യപൂത്തുലയുമ്പോള്
ഇലകളനുതാപമോടരുണാശ്രുവില്ക്കുമ്പോള്
എവിടെയോ മിഴി പാകി ഒരു ശിലാശകലമായ്
വാക്കിന്റെ വേനല് മഴത്തുള്ളി
വീഴ്വതും നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കണ്പാര്ത്തിരിക്കുന്നു
കണ്ണീരു പൊടിയുന്ന വട്ടുന്നതോര്ക്കാതെ
ആര്ദ്രമൊരു വാക്കിന്റെ വേര്പാട് നുരയുന്നു
പ്രിയതരം വാക്കിന്റെ വേനല് മഴത്തുള്ളി
ഒടുവിലെത്തുന്നതും നോക്കി പാഴ്സ്മൃതികളില്
കാത്തിരിപ്പൊറ്റക്കു കാതോര്ത്തിരിക്കുന്നു
കാത്തിരിപ്പൊറ്റക്കു കണ്പാര്ത്തിരിക്കുന്നു
കവിത: കാത്തിരിപ്പ്
രചന: മുരുഗന് കാട്ടാക്കട
ആലാപനം: മുരുഗന് കാട്ടാക്കട
കാത്തിരിപ്പൊറ്റക്കു കാതോര്ത്തിരിക്കുന്നു...
ReplyDeleteകാത്തിരിപ്പൊറ്റക്കു കണ്പാര്ത്തിരിക്കുന്നു...
എല്ലാം നല്ല വരികള്......
എന് പ്രിയനേ...എവിടെയാണ് നീ..?
ReplyDeleteദാ എത്തിപ്പോയി... :-)
ReplyDeleteപ്രിയതരം വാക്കിന്റെ വേനല്മഴത്തുള്ളി ഒടുവിലെത്തുന്നതും നോറ്റു കാത്തിരിപ്പൊറ്റക്കു ...
ReplyDeleteഹൃദയത്തില് നിന്നൂറിവരുന്ന വാക്കുകള് വരികളായൊഴുകുന്നു..
Deleteജീവിതത്തില് എന്തെല്ലാം നടക്കുന്നു. വഞ്ചന, അഹംഭാവം.. ഇതെല്ലാം ഒരു തരത്തില് അല്ലെങ്കില് മറ്റൊരുതരത്തില് ഒരാളെ കാത്തിരിപ്പിലേയ്ക്ക് വലിച്ചെറിയപ്പെടുന്നു..
ReplyDeleteഒരു ശുഭ പ്രതീക്ഷയല്ലേ കാത്തിരിപ്പിന്റെ നിദാനം?
Deleteനല്ല വരികള്.
ReplyDeleteഞാന് ഈ കവിത ഏടുക്കുകയാണ്.
നന്ദി..................